Kulinarisches Treffen

Kulinarisches Treffen_2017

Por sexto ano consecutivo os lectorados de galego, éuscaro e catalán organizamos unha xuntanza gastronómica para probar os nosos pratos máis típicos.

Cociñade algo especial e achegádevos para degustármolos todos xuntos!

Data: 22 de xuño

Horario: 19.00

Lugar: GWZ H4 5.16

 

Publicado en Outras cousiñas | Deixa un comentario

Ciclo de Cinema 2017

filmreihe_2017

No mes de xuño temos diferentes actividades no CEG de Leipzig. Unha delas é un ciclo de cinema organizado entre os lectorados de galego, éuscaro e catalán.

As películas proxectaranse en galego con subtítulos en inglés. Aquí están os nosos filmes:

  • PRADOLONGO

01.06.2017  – Hörsaal 20 – 17.00 Uhr

  • O APÓSTOLO

28.06.17 – Hörsaal 20 -17.00 Uhr

 

Quedades todos convidados!

 

 

 

Publicado en Outras cousiñas | Deixa un comentario

7. LEIPZIGER INTENSIVKURS GALICISCH

Von 27. Februar bis 10. März findet am Institut für Angewandte Linguistik und Translatologie der Intensivkurs Galicisch statt.

Der zweiwöchige Kurs besteht aus zwei Teilen, einem Sprachkurs Galicisch und einer Einführung in die Geschichte und Soziolinguistik der galicischen Sprachen.

Eingeschriebene Studenten erhalten für das Absolvieren des Kurses 10 Leistungspunkte und können dann auf Wunsch mit dem Modul Galicisch Niveau II im SS 2017 fortfahren.

Für Studierende der Universität Leipzig ist der Kurs kostenlos, Studierende anderer Universitäten können ebenfalls kostenfrei im Rahmen einer Gasthörerschaft daran teilnehmen, für Nicht­studierende fallen Gasthörergebühren in Höhe von 40 Euro an.
Informationen zur Anmeldung sowie weitere Hinweise zu Unterkünften u.ä. findet ihr hier.

galicisch_intensivkurs

 

 

Publicado en Novas sobre os cursos do CEG | Comentarios desactivados en 7. LEIPZIGER INTENSIVKURS GALICISCH

Leipzig en Galicia II

O que elas non sabían era que alguén xa o fixera antes ca elas 🙂

QUE É GALICIA?

Galicia… data
Run…
A. Auga. Aire. A Amnesia do vencido, a Atracción do Abismo, a Árbore xunta á Árbore, e a alegría do espazo circundante. A alma é o Atlántico e é o cantil o corpo da súa chamada Atroz.
B. Barroco: a Beleza usual feita materia en pedra no Bordo do Bosque omnipresente.
C. Calma. Castelao, Curros, Cunqueiro, Cultura, Celebración e Culpa: unha conciencia Céltica do Cosmos.
D. Difícil definir esa Dor, Dobregar o Destino, conseguir que o Desexo nos siga sendo útil. (Diluvia)
E. Espiral no Espazo Esférico. Emigración: Estímulo do noso Exilio interior que nos leva polo leste cara a Europa, polo mar cara ao Éxito e cara á Enfermidade, e sempre cara ao Eterno Extrañamento do Espírito.
F. Fogo de Fogar. Fantasía. Fábricas, Febre e Formas do Futuro, Figuras do pasado. O Fenómeno atmosférico da Felicidade, e todas as Festas do mañá…
G. Gráficas do Granito, auga e silencio, onde transborda a alma da Gulfstream. O xemir das Gaitas, e no carácter esa amable presenza da Graxa.
H. Historia: Herbicida o esquecemento. A Humidade, o “Horror vacui” e a Humildade impídennos converter a Historia en Heroísmo. Nosa Herdade adestrada na fuxida, coa sabedoría das feridas vellas, por nosas propias mans soamente vencidos.
I. Ironía: arte de converter o Inferno nun conto de Inverno.
J. Son oriental. Rotundidade sureña.
K. Kilowatios por terra mergullada.
L. Loito: manchas na paisaxe, bólas negras sobre o tapete verde.
M. Lega Mortos o Misterio da Música, pero o Miño vaise levando ese Misterio ao Mar.
N. Norte. Noite. Néboa. Negro: materia poética nacional.
Ñ. Nh/ gn/ ñ.
O. Oeste: “Galicia atende e obedece á chamada do Oeste” (R. Otero Pedrayo). Tantos séculos de Ofensas e de Esquecemento crean anticorpos no Organismo dun pobo, e esa continua Ofensa da historia xerará no Orgullo deste pobo apracible o destrutivo Osíxeno do Odio, a Obsesión do fracaso e da culpa.
P. Poesía. Patria. Paixón. Perigo de extinción, perdidos en nosa propia Pureza, da necesidade de ser un Pobo. A nosa indiferenza alimentará o Proceso de autoxenocidio que vivimos. Paisaxes dispersas, aliñados entre os Perfís do Pasado, coa Presenza dunha vexetal sensación de eternidade. Paixón e Poses “punk”, reflexos Postmodernos e altas horas nos diques urbáns da noite.
Q. Química da dor Quintaesencia do medo. Aí, pegado a min, quen ri?
R. Río: o Rumor da vida, a Relixión das augas. As Risas xorden sempre onde Reina a calma, na quietud profunda de quen coñece o Risco e domínao. Rural: corre sangue Rural por estas veas; e se algunha vez a Razón opón Resistencia, recoñécese o galego na terra, na lenta vitalidade da árbore, na invencible Resignación da herba.
S. O Son da Soidade e o Silencio. O Salvaxe Sarcasmo dos Soños do presente, e a Silente atracción polo Suicidio: o Sil. O Miño é o noso Sangue, o Sil a súa Sombra. Serenos e Sombríos, finalmente transcende o Sorriso astuto.
T. Terra. E o Tempo, e o Trastorno e as súas Tebras. A Tradición dunha triste Tenrura. A Terra é o principio, e todo existe nela e para ela.
U. Utopía: compaxinar o desexo e a necesidade dos nosos soños.
V. Vacas en Vales mollados, e a férrea Vontade dos Vellos encadeados á terra, co Vicio do seu fatalismo escéptico. Verde. Verde e máis Verde sobre outros Verdes, e por detrás: Verde.
W. Whisky: noite urbana. Galicia é Wagneriana, ou é máis ben un Wolfgang Amadeus enfermo de paisaxe, soñando con Sibelius?.
X. 25 de Xullo.
Y. e
Z. Fin
Guión televisivo de Lois Pereiro emitido pola TVG (25-07-1998)

Publicado en Outras cousiñas | Comentarios desactivados en Leipzig en Galicia II

Leipzig en Galicia I

Un ano máis as alumnas do Centro de Estudos Galegos de Leipzig participaron nos Cursos de lingua e cultura galegas para persoas de fóra de Galicia celebrado en Santiago de Compostela no mes de xullo, unha oportunidade única para coñecer, tocar, saborear, pronunciar aquilo que imaxinaron dende a distancia. Velaquí vos deixo as reflexións de Alena Meldau, Laura Cornely e Marlene Fleißig sobre a súa viaxe a Galicia.

 

Galicia en 24 letras

 

A –         Albariño: o viño máis caro (e rico) de Galicia.

B –          Bruxas: nunca confundas unha bruxa cunha meiga.

C –          Choiva: 4 semanas sen choiva!!!

Cunca: todos os viños saben mellor cando están nunha cunca.

D –          Definitivamente regresamos a Galicia.

E –          Empanada: a pizza galega.

F –          Follas Novas: a mellor tenda de libros.

Fisterra: a fin do mundo.

G –         Gaita, Graciñas

H –         Hórreo.

I –           Illas Cies

L –          Luscofusco: momento do día, entre o día e a noite, en que a luz desapareceu case                         por completo e as cousas se perciben como sombras.

Licor Café: véxase “ñam ñam”

M –        Morriña: sentimento e estado de ánimo melancólico e depresivo, en particular o                        causado pola nostalxia da terra.

N –         Nubeiro: espírito mitolóxico que trae as tempestades.

Ñ –         Ñam ñam: véxase “Licor Café”

O –         Ourense: a única cidade grande que – desafortunadamente – non vimos.

P –          Polbo

Q –         Quérote Santiago!

Queimada: a Feuerzangenbowle galega.

R –          Rosalía de Castro

Riquiño: en Galicia a xente non é fea, é riquiña!

S –          Saudade

T –          Tapas!

U –         Universidade: o sitio entre os bares e cafés.

V –         Vieira: probablemente o único símbolo dunha cidade que se pode comer.

W –       Weichbild: a única palabra alemán que aprendemos en Galicia (un saúdo a Víctor).

X –          Xabarín Club

Z –          Zamburiñas: ingrediente clave das empanadas.

 

Pasamos o mes de xullo en Santiago de Compostela participando no curso de verán organizado polo ILG e a Xunta de Galicia. Pasámolo moi ben e desde A ata Z aprendemos moito da vida en Galicia.

Alena Meldau, Laura Cornely e Marlene Fleißig

dsc02192 dsc02165 dsc02163 dsc02137 dsc02127 dsc02095

Publicado en Outras cousiñas | Comentarios desactivados en Leipzig en Galicia I

6.º Xeiras gastronómicas en Leipzig

Como cada ano celebramos as nosas Xeiras gastronómicas e imos a pola sexta edición! Xa chega a fin do semestre e vén cargado de deliciosos pratos vascos, cataláns e galegos. A sesión rematará coa proxección das mellores curtametraxes. Ficades todas convidadas! Cando e onde? O martes 28 de xuño ás 19.00 na aula H4 5.16 do GWZ.

Animádevos a compartir connosco os mellores pratos da nosa gastronomía!

O comer e o rañar, éche cousa de empezar.
Menjant, menjant, ve la gana.
Jan eta kantatu, hasiz gero ezin bukatu.
Der Appetit kommt beim Essen.

Filmreihe.Plakat1

Publicado en Actos e actividades culturais, Cinema, Gastronomía | Comentarios desactivados en 6.º Xeiras gastronómicas en Leipzig

Deitado fronte ao mar…

Precioso día en Leipzig para achegarse ao Cospudener See e deitarse fronte a ese pequeno mar.

Deitado frente ao mar…

Lingoa proletaria do meu pobo,
eu fáloa porque si, porque me gosta,
porque me peta e quero e dame a gaña
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sin raíces
que ao pór a garabata xa non saben
afirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos do lingoaxe,
remo i arado, proa e rella sempre.

Eu fáloa porque sí, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingoa.

Non falo pra os soberbios,
non falo pra os ruís e poderosos,
non falo pra os finchados,
non falo pra os estúpidos,
non falo pra os valeiros,
que falo pra os que agoantan rexamente
mentiras e inxustícias de cotío;
pra os que súan e choran
un pranto cotidián de volvoretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.

E ti vives no mundo, terra miña,
berce da miña estirpe,
Galicia, doce mágoa das Españas,
deitada rente ao mar, ise camiño…

Celso Emilio Ferreiro. Longa noite de pedra

Publicado en Outras cousiñas | Comentarios desactivados en Deitado fronte ao mar…

200 anos da declaración de independencia da República Arxentina

Lembrade! Mañá conmemoramos os 200 anos da independencia de Arxentina. Para celebralo teremos un día cheo de interesantes conferencias sobre lingua e literatura. Algunhas delas trataran sobre a historia dos galegos, os usos lingüísticos da comunidade galega e a influencia do galego como lingua de contacto en Arxentina. Así teremos:

9.30-10.30 Uhr: Prof. Dr. Eva Gugenberger (Universität Leipzig):
Sprachenwechsel und Sprachrevitalisierung in der Migration: die nicht enden wollende Geschichte des Galicischen in Argentinien.

15.30-16.30 Uhr: Prof. Dr. Carsten Sinner (Universität Leipzig):
Un contacto lingüístico olvidado: español y gallego en Argentina.

Despois das charlas iremos á tenda arxentina Don Fernández, situada no mesmo centro da cidade (Ratsfreischulstraße 8, 04109 Leipzig), onde veremos a comedia arxentina dirixida por Alejandro Doria “Esperando la carroza” con subtitulos en inglés e gozaremos dun bo asado arxentino.

Contamos con vós! 😉

13442698_1207255115959385_8378483731375099308_o

Publicado en Actos e actividades culturais, Cinema, Cultura, Lingua, Literatura | Comentarios desactivados en 200 anos da declaración de independencia da República Arxentina

San Xoán en Leipzig

Un ano máis o día de San Xoán chega cun pouco de adianto a Leipzig. Como cada ano, mañá 21 de xuño, o alumnado do lectorado de galego da Universidade de Leipzig, os galegos e galegas que por aquí andamos e todas aquelas que o desexedes sairemos apañar as herbas de San Xoán ao fermosísimo “Apothekergarten” da cidade (https://www.bota.uni-leipzig.de/der-garten/apothekergarten/), na imaxe podedes ver a localización exacta, a dous minutos de Ostplatz. Estaremos alí a partir das 17.45 da tarde!
Despois de coller as herbas e falar sobre a tradición faremos Stammtisch ou faladoiro de galego no parque, polo que se non chove (dificil de saber nesta época do ano) traede algo de beber e comer e animádevos a darlle un pouco á lingua con nós! Agardámosvos! 😉
Der Apothekergarten herbas
Publicado en Actos e actividades culturais, Cultura, Outras cousiñas | Comentarios desactivados en San Xoán en Leipzig

Hoxe 2 de xuño: Engurras. Ciclo de cinema galego, éuscaro e catalán

Hoxe ás 19.00 no Hörsaal H2 0.10 do GWZ proxectaremos a produción galego-catalá Engurras do director Ignacio Ferreras con música de Nani Garcia baseada na novela gráfica do ilustrador e debuxante valenciano Paco Roca. O filme, gañador de dous Goyas e varios premios Mestre Mateo, trata o tema do Alzheimer, a vellez e a amizade. Un filme que non podedes perder! Agardamos por vós! 😉
E despois, ás 21.00, faremos Stammtisch/Faladoiro de galego no Beyerhaus (Ernst-Schneller-Straße 6, 04107 Leipzig). Vindes darlle á lingua con nós?

Filmreihe.Plakat2Engurras07

Publicado en Actos e actividades culturais, Cinema | Comentarios desactivados en Hoxe 2 de xuño: Engurras. Ciclo de cinema galego, éuscaro e catalán